Siglir tar il cuntegn

Header

cuntegn

Grischun Protecziun civila en centers d'asil

Ils umens en colur oranscha. En cas da catastrofa gidan els a rumir donns e gidan a la populaziun nua che quai fa basegn. Dapi in pèr mais sa chattan tals umens da la protecziun era en centers d'asil temporars en Grischuns. Là èn els in impurtant sustegn per ils emploiads dal Uffizi per migraziun.

Tge lavuran els en ils centers

Avrir la box Serrar la box

Las incumbensas principalas dals commembers da la protecziun civila:

  • controllar la preschientscha dals requirents d'asil
  • controllar che las chombras vegnan schubregiadas
  • impedir conflicts tranter ils requirents
  • sustegnair las persunas dal Uffizi da migraziun

Tenor il manader da l'uffizi per migraziun dal Grischun, Marcel Suter, han els fatg fitg bunnas axperientschas cun ils commembers da la protecziun civila. Quels sajan fitg motivads e giain enturn fitg bain cun ils requirents d'asil.

Ma la protecziun civila na fa betg sulet buna lavur ella è era in toc pli favuraivel che per exempel persunas u firmas privatas (securitas). Lez surpiglian sulet pli il servetsch sur notg ed las fin d'emnas.

Mintga emna sis persunas

L'Uffizi federal per militar e protecziun civila ha fatg giu cun l'Uffizi per migraziun, ch'els survegnan mintg'emna sis persunas, che fan lur servetsch en in center d'asil. Cun quai han ils centers sur curt temp adina pront buns lavurants.

audio
Medzi: Experientscha cun protecziun civila en centers d'asil
ord Actualitad dals 15.12.2016.
laschar ir. Durada: 2 minutas 8 Secundas.

Marcel Suter, il manader da l'Uffizi per migraziun, è fetg cuntent cun quella cunvegna. Era en futur vul el lavurar enavant cun la protecziun civila.

RR actualitad 12:00

Artitgels legids il pli savens