Pliras organisaziuns d'ambient recurran cunter la vischnanca d'Arosa e sia revisiun da la planisaziun locala. Arosa negligeschia la protecziun da palids cun sia fauna e flora speziala, sco per exempel la giaglina selvadia pitschna, scrivan las organisaziuns Pro Natura, WWF, Birdlife e Mountain Wilderness.
Ellas pretendan da proteger la cuntrada da palì al pass Fanin. Là planisescha la vischnanca d'Arosa ina zona da snowkite e diversas rutas da mountainbike. Enstagl da schlargiar il niz en questa zona saja da scumandar activitads sportivas.