Tenor Marco Frey, il responsabel per la puma tar il plantahof, hai dà bler pli pauc puma quest onn. Surtut las apricosas n’hajan betg survivì las scheliras. Là hai dà in donn total.
Vid las 120 plantas d’apricosas che nus avain hai jau sulettamain vis 3 apricosas.
Era tar autras culturas vesi ora mal. Marco Frey manegia ch’i dettia en la Val dal Rain circa 60% damain primblas e pèra, 40% damain tschareschas e 10% damain maila.
La tendenza è clera
La situaziun en il rest dal Grischun è da regiun a regiun autra. La tendenza dentant mussia ch’i è da quintar sur tut il Grischun ora cun pli pauca puma, sco differents producents grischuns han detg envers RTR.
