Las experientschas dals davos onns mussian che bler dapli mammas che babs han nizzegià la purschida da la cussegliaziun da geniturs. Intgins chantuns porschan gia ina cussegliaziun specifica per babs – uss vegn quai era empruvà en il Grischun.
Denise Rudin da l'Uffizi per sanadad è persvasa che la rolla da babs en il Grischun haja anc potenzial:
Il basegn da cussegliaziun da babs s'augmenta en il Grischun. En il rom d'in project da pilot da dus onns stattan a disposiziun a partir dal settember cussegliaziuns d'in cussegliader da babs en las instituziuns regiunalas da la cussegliaziun da geniturs.
La finamira dal project da pilot è da chattar ora sche cussegliaziuns vegnan giavischadas explicitamain per babs en il chantun. Il project sa drizza a babs d'uffants en la vegliadetgna prescolara.
