RTR sin social
Il chavazzin dal di dal Radio Rumantsch è stà Periscope. Ina app da livestream ch'i dat dapi paucas emnas.
Per mussar, co questa app funcziuna, e sch'igl è propi uschè simpel sco empermess, avain fatg in test cun l'emissiun dal chavazzin dal di.
Gist oravant: I ha funcziunà e 34 persunas han guardà il chavazzin dal di era live sco video sin Periscope.
Las experientschas
- Fabia Caduff, ch'ha installà e concepì
«Cura che jau hai udì l’emprima giada da Periscope era mes emprim patratg - anc uschè ina app da social media. Però cura che jau hai lura chargià giu la app – quei è propi tut simpel – vai jau survegnì mirveglias.
Jau hai empruvà da far films e sun era ida a guardar livestreams dad auters sin l’entir mund – legher tge ch’ins chatta tut. Il sistem per apunto guardar o far films è tut simpel.»
- Hugo Schär, ch'ha filmà
«La Fabia ha instruì mai ch’i saja da tegnair il telefonin adina sidretg, pia betg volver el. Uschia hai jau pudì ma concentrar sulet sin il motiv, vul dir sin il cuntegn dal filmin e guardar ch'jau na trembl memia fitg. Igl è gartegià detg bain.
In problem era per part la glisch che n’è betg uschè clera en il studio dal radio. Lura ha il microfon da Fabia magari impedì mai da filmar ella durant ch’ella è vid discurrer. Igl è dentant stà fitg interessant ed era legher. Durant che jau hai filmà ha ina persuna gia commentà noss filmin, sia remartga: maximal.»
- Livio Foffa, ch'ha moderà il chavazzin dal di
«Igl è fitg simpel da chargiar l’app sin l’agen telefonin via App Store ubain Play Store. Simpatic è ch'ins dastga, na sto però betg, avair in account, nua ch’i vegn pretais ina massa infurmaziuns persunalas.
Ins po duvrar l’app era cun s’annunziar mo cun l’atgna numra da telefon. En quel cas survegn ins via sms in code ch’ins sto dar en - et voilà: schon pon ins vesair films da persunas sin l’entir mund.»
RR chavazzin dal di 08:40
