Pertutgada è ina punt per peduns tranter la plazza da ballape e la Via da Clalt che vegniva construida. Sin la punt sa chattavan tschintg lavurers, tuts burgais da l’Italia, ch’èn crudads ensemen cun la punt en il Poschiavino. Quatter dad els han pudì sa deliberar or d'atgna forza. Il tschintgavel è vegnì spendrà da las forzas da salvament. Il servetsch da salvament da Poschiavo ha surpiglià ils emprims scleriments medicinals da tut ils disgraziads.
Quatter lavurers èn vegnids transportads en l’ospital da Poschiavo. Da là è in vegnì transportà cun l’ambulanza en l’ospital a Samedan ed in sgulà cun la Rega en il Spital chantunal grischun a Cuira. Ensemen cun spezialists examineschan la procura publica e la Polizia chantunala grischuna la raschun exacta da la crudada da la punt.