Siglir tar il cuntegn

Header

Ina charta dal Grischun.
Legenda: Tgi survegn quants daners: Pli cotschen e pli dependent da tschains d'aua. Uffizi d’energia e traffic Grischun
cuntegn

Grischun Quitads per l'avegnir dals tschains d'aua

Ils chantuns da muntogna duajan unir lur forzas e preschentar ina proposta cuminaivla. Quai è stà il tenor a la radunanza generala da la «Cuminanza d'interess da las vischnancas da concessiun dal Grischun» il glindesdi.

L'onn 2019 scadan las reglas per ils tschains d'aua en Svizra. Quai fa surtut quitads a las vischnancas. Duas terzas da las vischnancas grischunas dependan dals tschains d'aua.

I saja ussa d'unir las forzas e da preschentar ina proposta ord vista da las regiuns da muntogna, ha Not Carl, il president da la «Cuminanza d'interess da las vischnancas da concessiun dal Grischun» accentuà glindesdi a la radunanza generala a Cuira.

Portrait da Fadri Ramming.
Legenda: RTR P.Collet
Il temp nua ch'ils tschains d'aua culan automaticamain è passé.
Autur: Fadri Rammingsecretari general da la Conferenza dals chantuns da muntogna

S'unir e preschentar ina proposta

Ina sala da radunanza plain umens che sesan.
Legenda: Radunanza generala a Cuira - la «Cuminanza d'interess da las vischnancas da concessiun dal Grischun» IBK. RTR/ N.Cadonau

Davos las culissas giran il mument las tractativas tranter chantuns e la branscha d'electricitad. Tenor Fadri Ramming, secretari general da la Conferenza dals chantuns da muntogna, sajan quai tractativas difficilas.

I saja grev da prevair co la fiera d'energia sa sviluppeschia. Ma las vischnancas na possian en l'avegnir betg pli quintar ch'ils tschains d'aua sajan in'entrada fixa per la cassa communala.

Ina proposta co reglar ils tschains d'aua a partir da l'onn 2020 ord vista dals chantuns da muntogna duai esser sin maisa anc quest onn. Il cussegl federal pudess lura elavurar quella ed il parlament federal debattar la fatschenta il 2018.

RTR/nc/ij

Artitgels legì il pli savens

Nach links scrollen Nach rechts scrollen