La vischnanca da Grüsch po cumprar la halla da glatsch ch'è periclitada da vegnir serrada. Ils custs muntan a 500'000 francs. Quai ha la radunanza communala approvà ier saira cun 1343:2 vuschs, squai communitgescha la vischnanca. Fin uss era la halla en possess da la Domenig Immobiglias SA. Quella na vulevan betg pli manar vinavant la halla pervia da las perditas. La vischnanca segirescha uschia l'avegnir dal club da hockey Partenz Signuradi che vegn a manar quella en futur.
Nov stgaudement per chasa da scola
Senza cuntravuschs ha la radunanza en pli approvà in credit da 687'00 francs per remplazzar il stgaudament d'ieli en la chasa da scola Usserfäld
Plinavant ha la radunanza approvà il quint annual 2022 che serra cun ina perdita da passa 538'000 francs. Quai tar entradas ed expensas da radund 11 milliuns francs.
