Radunanza communala - Stop d’investiziuns a Ferrera pervi da problems finanzials

En la vischnanca Ferrera datti in stop d’investiziuns. Pervi da sfidas finanzialas ha la radunanza communala approvà ier saira il stop d’investiziuns sco er da restrenscher il mantegniment sin il pli necessari. En pli ha la radunanza approvà ina strategia da finanzas cun diversas mesiras sco l'annullaziun dal reglament da taxas. Quai scriva la vischnanca. Tranter auter prevesa la strategia da finanzas er d'augmentar las contribuziuns a la vischnanca per il provediment d’energia per trais raps per kilowatt – limità sin ils proxims trais onns.
Tenor la vischnanca saja il motiv per las sfidas finanzialas il tschain d l'aua bass dals ultims onns.