Siglir tar il cuntegn

Header

cuntegn

Radunanza communala Trimmis approva investiziuns e discuta revisiun constituziunala

Il 2024 planisescha la vischnanca da Trimmis d'investir en la rait da chalur a distanza, en computers per las scolas ed en la sanaziun d'in aual. Ils preventivs correspundents ha la radunanza communala approvà il mardi, scriva la vischnanca en ina communicaziun.

Medemamain ha la radunanza deliberà la revisiun da la constituziun communala per la votaziun ils 3 da mars 2024. I giaja tenor il messadi en chaussa per ina constituziun pli moderna, e per novas structuras. La davosa revisiun da la constituziun è stada il 2011.

E la vischnanca ha er decis da laschar il pe da taglia tar 85% da la taglia chantunala simpla. Il preventiv 2024 approvà prevesa in surpli d'expensas da bunamain 390'000 francs, cun expensas da bunamain 14 milliuns francs.

Plinavant ha la direcziun da la vischnanca discutà ils resultats d'ina enquista davart viver en la vegliadetgna. Il grond consentiment saja in'obligaziun per la direcziun da cuntinuar cun il project e far ils pass necessaris, scriva il president communal en la communicaziun.

RTR novitads 12:00

Artitgels legids il pli savens