La vischnanca da Tumein po engrondir ses indrizs fotovoltaics sin bajetgs communals. La radunanza communala ha approvà unanimamain per quest intent in credit da 196'000 francs, sco la chanzlia da Tumein scriva. Concret duain vegnir engrondids ils indrizs fotovoltaics sin la sala da gimnastica e sin il center da vischnanca. La vischnanca quinta cun ina producziun annuala da passa 93'000 kWh forza electrica.
Ulteriuras decisiuns da la radunanza communala
- La radunanza ha approvà unanimamain in credit da 162'000 francs per schlargiar la sanaziun da la Obergasse.
- Plinavant han ils da Tumein ditg Gea ad in credit da 110'000 francs per cumprar in nov tractor communal. Quel duai tranter auter vegnir duvrà per rumir naiv u per nettegiar las vias.
Vitiers ha la suprastanza orientà davart sia idea che la vischnanca cumpra in terren da l'anteriura filiala da posta.
audio
Per tadlar: las novitads da las 6:00
ord RTR Audio dals 31.08.2022.
laschar ir. Durada: 5 minutas 19 Secundas.
