La radunanza communala da Zezras ha approvà il quint annual 2022. Quel serra cun in surpli da passa ina mesa milliun francs. Budgetà han ins ina sperdita d'ina mesa milliun francs. Quai ha communitgà la vischnanca. Plinavant ha il suveran approvà plirs credits da total 2,2 milliuns francs per differents projects d'infrastructura, sco la construcziun da via, illuminaziun da vias, provediment d'aua, auas persas, e per sanar il stan da sajettar.
Radunanza communala Zezras fa mez milliun gudogn
RTR novitads 16:00
