La vischnanca da Zezras survegn da nov in manader u ina manadra da l’infrastructura. Quai ha decis la radunanza communala gievgia saira. L'impuls per quest pass èn stadas moziuns ch'han pretendì in tal post suenter ch'il dumber da persunas en suprastanza era vegnì reducì sin tschintg. Il suveran da Zezras ha ditg Gea senza cuntravusch.
En pli ha la radunanza communala approvà unanimamain in credit da planisaziun da 65'000 francs per sanar ed engrondir conducts d’ovra.