La Scola auta spezialisada dal Grischun fa bilantscha positiva dal 2021 e serra in gudogn da stgars 400'000 francs, il 2020 eran quai stads 9'450 francs. La svieuta en il champ da perscrutaziun saja dentant anc pli bassa ch'anc l'onn avant – quella è sa smiunida per 1,9% sin 10,4 milliuns francs.
Passa 600 studentas
Er cun il dumber da studentas e students sajan els cuntents, en tut han 604 cumenzà il settember passà in studi da bachelor u master. Quai saja in zic sut il dumber da l'onn avant ma dapli studentas e students sch'ins cumpareglia sur plirs onns. Sper studis pon ins era far autras scolaziuns a la FHGR, tut en tut èn stads immatriculadas 2'400 persunas l'onn passà.
L'onn passà èn 312 persunas stadas occupadas en pensums fixs a la scol'auta, vitiers vegnan 426 persunas d'instrucziun e 536 docentas e docents envidads.
