Siglir tar il cuntegn

Header

audio
Reacziuns da la regenza grischuna sin las mesiras novas
Or da Actualitad dals 03.12.2021.
laschar ir. Durada: 2 minutas 17 Secundas.
cuntegn

Reacziun da la regenza Il chantun Grischun va d'accord cun las mesiras

La regenza dal chantun Grischun è cuntenta cun las mesiras da la confederaziun. Tar il homeoffice fiss la regenza dentant ida in pass pli lunsch ed avess introducì l'obligatori, di il manader dal Departament da sanadad dal Grischun, Peter Peyer.

video
Reacziun da la regenza grischuna a las novas mesiras cunter la pandemia
Or da Telesguard dals 03.12.2021.
laschar ir. Durada: 2 minutas 15 Secundas.

Naginas mesiras supplementaras

La regenza vegnia a discussiunar sch'i dovria in obligatori da homeoffice u betg. Autras mesiras supplementaras n'ha la regenza betg previs enfin uss, di Peyer. Vinavant fetschia il Grischun schon bler dapli ch'auters chantuns. Quai cun l'obligatori da mascrinas en scola che vala en singulas regiuns e la strategia da testar.

Nus sperain ch'ils auters chantuns entschaivan era a testar en scolas.
Autur: Peter Peyer manader dal departament da sanadad

Las libertads ch'ils chantuns han survegnì, muntan era bia responsabladad ch'ins stoppia prender serius, di Peyer.

Negina glista da quarantina

Plaschair fetschia ch'i na dat nagina glista da quarantina pli. Persunas che lessan entrar en Svizra ston persuenter far in test da PCR. Quella midada saja impurtonta per il Grischun, sch'ins mera ord vista turistica e da la gastronomia, di il cusseglier guvernativ.

Uschia san persunas, per exempel dal Portugal, vegnir senza quarantina a lavurar en il Grischun. Ed els duvrain nus durant la stagiun d'enviern.
Autur: Peter Peyer cusseglier guvernativ

RTR actualitad 17:00

Artitgels legids il pli savens

Scrollar a sanestra Scrollar a dretga