La Corporaziun da vischnancas per l'allontanament da rument en il Grischun ha fatg quest onn sut il stritg in surpli da passa in milliun francs. Quai saja marcantamain dapli che budgetà, ha infurmà la GEVAG da sia radunanza da proprietaris.
Plinavant haja ella cuntanschì la finamira budgetada da brischar 108'000 tonnas rument durant l’onn. Il preventiv per l'onn proxim prevesa in retgav da gestiun da passa 28 milliuns francs ed in gudogn da 265'780 francs.
