La regenza ha dà glisch verda al project per la recultivaziun a Bondo da la vischnanca da Bregaglia. Ella ha concedì ina contribuziun chantunala da radund 652'000 francs. La gronda part cumpiglia la renatiralisaziun da la pista da cupitgaders ch’era vegnida construida provisoricamain suenter la bova al Piz Cengalo il 2017. Dentant duajan er vegnir messas en in stadi final las vias forestalas e las vias champestras.
Tut en tut vegnia recultivada ina surfatscha da vias da 4’625 meters quadrat. Da realisar il project duria trais onns. Ils custs totals sajan calculads cun 815'000 francs.
