La regenza grischuna vul dapli turissem da cultura. El surpiglia la mesadad da las subvenziuns da 1,65 milliuns francs per in project correspundent. Tschella mesadad surpiglia la Confederaziun en il rom da la Nova politica regiunala da la Confederaziun (NPR).
Promover commerzialisaziun
Ils daners n'èn betg per promover organisaziuns da cultura ed artists ed artistas. Els duain gidar da far pli enconuschent las purschidas da cultura tar osps. Surprender duai quai la nova cuminanza d'interess da turissem da cultura (cun commembers sco l'Uniun Grischun Vacanzas e l'Institut da perscrutaziun da cultura).
La finamira è da bajegiar si plattafurmas e colliar acturas ed acturs da turissem e cultura. En lunga vista duain las purschidas da cultura vegnir pli visiblas per ils osps.
