L'emprim tschancun da la via dal Pass dal Flüela po vegnir curregì. La regenza grischuna ha dà glisch verda per la part da dus kilometers sut il restaurant Tschuggen da la vart da Tavau.
Il project custa radund 14 milliuns francs e prevesa d'optimar las cumbinaziuns da curvas sco er d'adattar minimalmain il profil traversal da la via. Sco che la regenza scriva en sia communicaziun, pertutga questa correcziun da la via be il traject tranter il restaurant Alpenrose ed il restaurant Tschuggen.
Il traject en il sectur sur Tschuggen vegn suspendì pervi da differentas protestas. L'Uffizi da construcziun bassa surlavura quest traject ensemen cun las protestadras ed ils protestaders.
audio
Per tadlar: las novitads da las 09:00
ord RTR Audio dals 11.05.2023.
laschar ir. Durada: 3 minutas 18 Secundas.