La regenza vul mitigiar las consequenzas negativas da la chareschia che pertutgan cunzunt ils tegnairchasas cun meds finanzials limitads. Per quest intent augmenta ella il basegn fundamental per ils custs da viver per 2,5% u 25 francs sin 1’031 francs a partir da l’auter onn. Uschia vul il chantun segirar la capacitad da cumpra da chasadas cun entradas bassas e chasadas che vegnan sustegnidas cun prestaziuns supplementaras u cun agid social.
L’october aveva il Cussegl federal decis d’augmentar las rentas da la AVS ed AI per 2,5% a partir da l’entschatta da l’auter onn. Quai per cumpensar la chareschia.
