La Regenza grischuna garantescha a la citad da Cuira ina contribuziun chantunala da var 82'000 francs per restaurar e reutilisar il «Grosser Türligarten», quai scriva ella en ina communicaziun. Il cumplex d'edifizis persvadia tras sia expressiun pittoresca e ses maletg caracteristic per il lieu a la riva da la Plessur.
Nova canorta fin il 2024
En il rom da la restauraziun duai l'edifizi «Türligarten» vegnir reutilisà sco canorta d'uffants ed aula da scola. Ils custs totals da quest project importan 4,7 milliuns francs. En connex cun la garanzia da la contribuziun chantunala a las mesiras da construcziun vegn l'edifizi mess sut protecziun da monuments.
La citad fa quint da pudair occupar las localitads la fin dal 2024.
audio
Per tadlar: las novitads da las 11:00
ord RTR Audio dals 16.03.2023.
laschar ir. Durada: 3 minutas 16 Secundas.