L’Uffizi da migraziun e da dretg civil dal Grischun ha in nov manader. Sco il chantun scriva, ha la regenza nominà Markus Haltiner al timun da l’uffizi. Haltiner ha gia manà l’Uffizi da migraziun ad interim dapi la mesadad dal december passà suenter che Marcel Suter s'era retratg sin giavisch da Peter Peyer.
Markus Haltiner ha 61 onns ed è giurist dapi il 1. da december 2000 il substitut dal manader da l'Uffizi da migraziun e da dretg civil. Plinavant è el derschader en uffizi accessoric tar la Dretgira regiunala Plessur.
