Siglir tar il cuntegn

Header

cuntegn

Regenza grischuna Nagin concept chantunal necessari cunter littering

Tenor la regenza grischuna na dovra il Grischun nagin concept chantunal per far frunt al littering: bittar davent rument en la natira u en auters lieus nunadattads.

En connex cun ina incumbensa or dal Cussegl grond ha il chantun laschà far ina enquista online davart il tema. Per quella ha l'Uffizi federal d'ambient dumandà passa 2'000 persunas e gruppas sco vischnancas e regiuns turisticas cun la finamira dad eruir tge basegns per eventualas mesiras ch'i dat. L'enquista mussa ussa surtut ch'il rument che vegn bittà davent è in problem per la sanadad dal animals. Il focus da mesiras futuras cunter il littering duai tenor la regenza per quai esser l'agricultura.

Infurmaziun e prevenziun

En pli haja l'enquista mussà ch'i dettia in basegn per dapli campagnas da sensibilisaziun ed infurmaziun davart il tema. Sco che la regenza scriva, saja planisà in post spezialisà per l'educaziun ambientala a la Scola auta da pedagogia dal Grischun. Quest post cun scolaziuns per magisters e magistras gidian per derasar infurmaziuns e prevegnir littering.

Or da l'archiv

video
Acziun da la citad da Cuira cunter «littering»
Or da Telesguard dals 26.08.2016.
laschar ir. Durada: 3 minutas 8 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga