Siglir tar il cuntegn

Header

cuntegn

Regenza grischuna Sustegn finanzial per tgirar confamigliars

Persunas che tgiran lur confamigliars duain survegnir en l'avegnir in supplement da tgira per lur lavur. Quai scriva il chantun en ina communicaziun. La Regenza grischuna vul metter a disposiziun a partir da l'onn 2025 mintga onn radund 2,4 milliuns francs per quest intent. Ella ha incumbensà il Departament da giustia, segirezza e sanadad d'elavurar il project da lescha en chaussa.

Las persunas che tgiran lur confamigliars sajan ina pitga impurtanta dal provediment da la sanadad. Ellas cumpletteschan las purschidas da tgira instituziunalisadas. Senza ellas na pudess il sistem da sanadad betg funcziunar, ha suttastritgà il cusseglier guvernativ Peter Peyer, il schef dal departament.

Star pli ditg a chasa

Grazia al supplement da tgira duain las persunas pli veglias e las persunas che dovran assistenza pudair abitar uschè ditg sco pussaivel en l'atgna abitaziun u en l'atgna chasa. A vista pli lunga stgaffescha il supplement da tgira in impuls per la tgira ed assistenza a chasa. Ultra da quai po il supplement impedir u almain retardar collocaziuns en chasas da dimora ed en ospitals. Tenor la stimaziun da la regenza vivan var 300 persunas cun dretg d'in supplement da tgira en il chantun Grischun.

audio
Per tadlar: las novitads da las 12:00
ord RTR Audio dals 09.11.2022.
laschar ir. Durada: 6 minutas 38 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga