La regenza grischuna surdat a l'architecta il premi, dotà cun 30'000 francs, per sia ovra. Theus è naschida e creschida si a Cuira e lavura a Turitg. Da sias ovras en il Grischun è enconuschent per exempel il restaurant sin il Weisshorn ad Arosa.
![Restaurant sin il Weisshorn da Tilla Theus.](https://www.rtr.ch/static/cms/images/960w/67b076.jpg)
La regenza ha plinavant tranter auter undrà Annetta Ganzoni-Pitsch, Reto Mayer, Bruno Cathomas e Letizia Scherrer cun premis da renconuschientscha (dotads cun mintgamai 20'000 francs). Plirs artists e pliras artistas giuvnas da la Rumantschia han survegnì premis da promoziun: Vito Cadonau (musicist), Fadri Cadonau (artist figurativ) ed Anna-Laura Klucker (designra).