Per renovar mirs sitgs en il Grischun ha la regenza concedì ina contribuziun chantunala da maximalmain 565'000 francs per quest onn. En connex cun las cunvegnas da program «cuntrada» e «protecziun da la natira» sa participescha er la Confederaziun cun sias parts fixas da 350'000 francs a la finanziaziun, scriva la regenza en ina communicaziun. Var 880'000 francs dals custs totals dad 1,8 milliuns francs per ils projects vegnan plinavant finanziads tras atgnas prestaziuns e tras terzs.
Renovaziuns en tut il Grischun
L'onn 2023 duain vegnir renovads mirs sitgs d'ina lunghezza totala da circa 2,4 kilometers en tut il Grischun. Ils mirs n'hajan be in'impurtanza per l'istorgia culturala, ma furmian savens er spazis da viver impurtants per reptils, per mammals pitschens e per insects, uschia la regenza vinavant.
Or da l'archiv
