Siglir tar il cuntegn

Header

cuntegn

Regiuns perifericas Caritas lantscha bigliet per traffic public

La butia da la Caritas a Cuira che venda victualias a persunas ch'èn periclitadas da povradad, ha registrà l'onn passà 50% dapli clientella. Per ch’er persunas d'ordaifer Cuira possian profitar da la purschida en la chapitala, ha la Caritas lantschà in project da pilot: Per 3 francs po la clientella da la Caritas duvrar il traffic public per ir a far cumpras en la butia a Cuira.

audio
Della Vedova: «Il tema povradad è er en las regiuns perifericas in tema»
ord RTR Audio dals 02.05.2023. Maletg: RTR
laschar ir. Durada: 28 Secundas.

Il directur da la Caritas Alessandro della Vedova ha ditg envers il Schurnal regiunal da SRF, ch'ins haja percurschì ch'il tema povradad saja er en regiuns perifericas in tema actual. Ins n'haja dentant nagins indrizs en las regiuns ed i na saja er betg pussibel d'installar e mantegnair talas. Perquai èn ins sa decidì da porscher in bigliet pli bunmartgà. Uss sperian ins fitg ch'i vegnia er fatg diever da questa pussaivladad.

Il bigliet da 3 francs dettia per ils proxims trais onns. Silsuenter vegnia evaluà, sch'il project vegnia prolungà. Lantschà quest project ha la Caritas ensemen cun la Banca Chantunala Grischuna, la Viafier retica e l'AutoDaPosta.

RTR novitads 06:00

Artitgels legids il pli savens