Siglir tar il cuntegn
Inhalt

Grischun Remplazzan Airbnb & co plattafurmas da reservaziun tradiziunalas?

La purschida da dar a fit las atgnas quatter paraids a giasts sa derasa en grond tempo sin tut il mund. Airbnb ha entant passa 160 milliuns clients che s’han registrads ed il numer crescha da di per di. Il model vegn er examinà da Grischun Vacanzas.

Martin Vincenz.
Legenda: Martin Vincenz. RTR, Hugo Schär

Airbnb sez sviluppa adina vinavant novs models da lur purschida. Uschè ha l’organisaziun per exempel lantschà il november da l’onn passà il mund da las aventuras, ina nova spierta ch’i dat entant gia en 16 citads.

En tschertga da novs partenaris

Ultra da quai tschertga Airbnb er dapertut la collavuraziun cun las regiuns, ha suttastritgà Burkhard Weiss dad Airbnb Host & Community durant ses referat al Forum da turissem en il Ötztal.

Sco quai ch’il directur da Grischun Vacanzas, Martin Vincenz ha declerà ad RTR, tschertg'ins er il discurs cun ils responsabels dad Airbnb per examinar ina collavuraziun pussaivla.

RR actualitad 12:00