L'entrada sa preschenta cun in nov spazi da retschaviment e per las lavurs da secretariat, sco la chanzlia chantunala scriva. Vitiers sajan ils indrizs da segirezza e la tecnica da chasa uss sin in stan actual.
![Purtret dal retschaviment en il Cussegl grond: In pult da lain davant las fanestras cun rundà la part sura.](https://www.rtr.ch/static/cms/images/960w/c8577f.jpg)
Ed en il plaun sut il tetg han deputadas e deputads uss a disposiziun stanzas da scolaziun e da sesida cun meglra acustica e cun apparats audiovisuals. Plinavant è il tetg vegnì isolà cunter la chalur.
![Purtret d'ina lunga maisa cun bleras sutgas enturn. Vid las paraits hai visurs gronds.](https://www.rtr.ch/static/cms/images/960w/5c0874.jpg)
Dasper las stanzas per scolaziun hai da nov er in local da cuminanza avert a tuttas persunas che sa chattan en chasa, per pudair s'inscuntrar.
![Purtret d'in local cun en ina maisa auta, ina cuschina cun maschina da cafe ed in automat cun bavrondas e snacks.](https://www.rtr.ch/static/cms/images/960w/a55ce2.jpg)
Skizza da Carigiet per il purtret da la paraid
Dasper las renovaziuns ch'èn vegnidas fatgas, ha il chantun Grischun er gì la chaschun da cumprar ina skizza detagliada dad Alois Carigiet che mussa il purtret «Der Zusammenschluss der Drei Bünde 1959» ch'è sin la paraid gronda en il Cussegl grond.
![Purtret da la skizza.](https://www.rtr.ch/static/cms/images/960w/99d38b.jpg)
RR novitads 09:00