La Polizia chantunala dal Grischun reorganisescha sia structura dals posts e dal persunal. Cun duvrar vinavant las localitads avant maun vegnian ils posts da polizia existents mess ensemen en unitads pli grondas:
- Schiers e Claustra: Basa da polizia Partenz
- Savognin, Casti e Lai: Basa da polizia Lai/Alvra
- Domat e Tusaun: Basa da polizia Beverin
- Arosa e Landquart: Basa da polizia Montalin
Cun quellas midadas datti cundiziuns da lavur pli modernas per ils collavuraturs e structuras da manar pli optimalas. Plinavant dispona la polizia d'ina infrastructura moderna dad IT. Grazia a quella pon collavuraturas e collavuraturs da la polizia liquidar las lavurs administrativas en tut las immobiglias da la polizia chantunala sco er directamain al lieu d'eveniment.
Ina raschun per l'entira reorganisaziun è ch'i dat adina dapli cas criminals en Grischun, quai che pretenda ina pli gronda preschientscha da la polizia criminala. Damai ch'igl èn vegnidas libras capacitads tar la polizia da traffic, po uschia la polizia criminala vegnir rinforzada en tut las regiuns dal chantun.