Il triep en Lumnezia che viva enturn il Wannaspitz tranter las vischnancas da Lumnezia, Val Sogn Pieder e Glion sa chattia uschia tranter il triep dal Beverin e quel da Valgronda, scriva l'Uffizi da chatscha e pestga. Gia l'onn passà aveva il chantun constatà ch'i vivia là in pèr da lufs. La trapla fotografica ha constatà luffins.
Er divers auters trieps hajan puspè lufs pitschens. Ina survista actuala:
Conflicts emprim mez onn dal 2022
Enfin ils 30 da zercladur han lufs stgarpà en il chantun 127 animals da niz. Dad urs e lufs-tschervers n’èn nagins donns registrads. Ils guardiachatscha han sajettà dus lufs giuvens dal triep da Beverin ch'ha attatgà il fanadur duas vatgas. Ils mastgels én tranter in e trais onns, l'identificaziun genetica spetga il chantun il settember.
Prognosa per ils proxims onns
En circa 5 onns pudess il luf avair occupà l'entir spazi da viver pussaivel en il territori alpin. Quel tanscha da la Frantscha fin l'Austria. Questa prognosa fa la gruppa Luf Svizra en ina communicaziun. Ed ella quinta ch'il luf vegnia a sa regular sasez en var 5 onns. Cun ina grondezza da territori da 250 kilometers quadrat en media, hai tenor la gruppa Luf Svizra spazi da viver per var 800 trieps da lufs en la regiun alpina. Per la fin da quest onn quinta la gruppa en vist'al svilup – cun passa 300 trieps.
