La Ems Chemie ha augmentà la svieuta l’emprima mesadad da l’onn per 10% sin bunamain 1,3 milliardas francs – cumpareglià cun la medema perioda da l'onn passà. Da contribuir saja quest resultat er ad in augment dals pretschs che saja stà necessari, perquai ch’ils pretschs per materias primas ed energia sajan creschids. Quai ha communitgà il concern.
Nus avain ina auta marscha, in affar cun spezialitads e pussaivladads da crescher – jau pens che nus vegnin a frida cun la situaziun.
Il resultat da gestiun saja s’augmentà per 0,8% sin 324 milliuns francs. Il gudogn net importia 286 milliuns. Per l’onn current quinta la Ems Chemie cun ina svieuta, e resultat da concern, levet sur quella da l’onn passà. Quai malgrà la situaziun economica che saja instabila.
-
audioL'Ems Chemie haja sa preparà sin differents scenaris00:23 min, ord RTR Audio dals 15.07.2022.laschar ir. Durada: 23 Secundas. -
audioPrognosa per il segund mez onn00:39 min, ord RTR Audio dals 15.07.2022.laschar ir. Durada: 39 Secundas. -
audioMagdalena Martullo davart las stretgas cun il gas en l'enviern00:36 min, ord RTR Audio dals 15.07.2022.laschar ir. Durada: 36 Secundas. -
audio«Nus avain stuì far enorms augments dals pretschs»00:37 min, ord RTR Audio dals 15.07.2022.laschar ir. Durada: 37 Secundas.
