Ils passagiers e las e passagieras da la Viafier retica èn fitg cuntents cun sia purschida. Quai demussia ina retschertga represchentativa che la RhB ha laschà far la stad e l’atun 2022. Areguard la cuntentientscha haja la Viafier retica survegnì 88 da 100 puncts pussibels ed areguard la recumandaziun schizunt 90 da 100 puncts, scriva la viafier en ina communicaziun. L’entir persunal da la viafier saja curtaschaivel e servetschaivel. Potenzial d’optimar vesian las persunas dumandadas en emprima lingia en connex cun la relaziun tranter pretsch e prestaziun sco er areguard il plaz per la bagascha.
Resultats sumegliants sco ils ultims onns
Ils resultats sajan sumegliants sco quels da las retschertgas dals onns 2016 e 2018. Megliers resultats haja da questa giada areguard cuntentezza cun la recepziun d'internet e tar il transport d'autos dal Vereina.