Siglir tar il cuntegn

Header

audio
Brinzauls vegn evacuà – tge fa quai cun ils indigens?
Or da Actualitad dals 28.12.2023. Maletg: RTR
laschar ir. Durada: 5 minutas 30 Secundas.
cuntegn

Revista 2023 L'onn difficil per Brinzauls

La notg dals 15 sin ils 16 da zercladur hai dà ina bova gronda a Brinzauls. 1,2 milliuns meters cubic material èn sa distatgads. La via chantunala è vegnida sutterrada. Las chasas da Brinzauls perencunter èn betg vegnidas tutgadas, sulet in magasin da la vischnanca Alvra è vegnì sutterrà. Blessads n’hai dà nagins, cun quai che la vischnanca era evacuada durant dus mais. RTR ha discurrì avant, durant e suenter l’evacuaziun, cun ils indigens, sco era cun geologs ed experts.

video
Revista 2023: Brinzauls
Or da Telesguard dals 28.12.2023.
laschar ir. Durada: 4 minutas 29 Secundas.

Onn difficil per il stab directiv

Il stab directiv dal cumegn Albula/Alvra  guarda enavos sin in onn strentg. Surtut l’evacuaziun da Brinzauls ha dà blera lavur organisatorica. L’entschatta da fanadur ha la populaziun puspè pudì ir enavos en lur chasas, suenter ch’igl è puspè stà segir d’abitar en il vitg.

audio
Brinzauls – onn difficil per il stab directiv
ord Actualitad dals 28.12.2023. Maletg: RTR
laschar ir. Durada: 4 minutas 52 Secundas.

Las consequenzas per ils indigens e las indigenas

Per la populaziun èsi stà ina greva stad. Quant ditg ston els star davent da chasa suenter l’evacuaziun? Pon ins insumma puspè turnar en il vitg? Vulan els insumma anc ina giada turnar en il vitg? Tut quai èn dumondas ch’han fatschentà la glieud durant l’evacuaziun ch’ha cuzzà radund dus mais.

Interess medial è stà enorm

audio
Brinzauls – la bova ord vista schurnalistica
ord Actualitad dals 28.12.2023. Maletg: RTR
laschar ir. Durada: 6 minutas 25 Secundas.

Medias da tut il mund han visità quest onn Brinzauls e la Val d’Alvra, per rapportar sur dal rutsch. L’interess medial è stà enorm, tut il mund ha rapportà da la bova da Brinzauls. In ch’ha regularmain rapportà da la bova è il correspundent dal Grischun Central Federico Belotti. El ha visità pliras giadas il vitg per guardar, co ch’i va cun la glieud. En sia revista da l’onn lauda el surtut la gronda pazienza, che la glieud ha gì cun las schurnalistas e schurnalists, ch’han adina puspè «bumbardà» ils indigens cun dumondas.

RTR actualitad 17:00

Artitgels legids il pli savens