L'anteriur cusseglier guvernativ Mario Cavigelli è nov president dal cussegl administrativ da la Rhiienergie SA cun sedia a Tumein. El succeda a Markus Feltscher, ch'è mort nunspetgadamain il mars. La radunanza generala da l'interpresa ha il venderdi saira era elegì Peter Camastral en il cussegl administrativ, sco nov represchentant da la vischnanca da Favugn.
A la 117avla radunanza ha la vicepresidenta dal cussegl administrativ, Elita Florin-Caluori, preschentà in bun resultat per il davos onn. La Rhiienergie SA ha fatg in gudogn da radund 1,2 milliuns francs. Sco l'interpresa scriva, saja il 2022 stà in onn difficil. Grazia ad ina buna controlla dals custs ed entradas creschentas tar la purschida d'indrizs da fotovoltaica.
Ils agens indrizs da fotovoltaica Calinis ed a l'A13, sco era la rait termica a Tumein vegnan schlargiads, a Reichenau/La Punt vegn construì in indriz per la producziun d'idrogen.
