Siglir tar il cuntegn

Header

Video
Robert Grossmann – l'American ch'è daventà in Rumantsch
Or da Telesguard dals 27.11.2019.
laschar ir
cuntegn

Robert Grossmann L'American ch'è daventà in Rumantsch

Cun corp ed olma s'identifitgescha Robert Grossmann cun la cultura rumantscha – er sche sia vita ha cumenzà en la California.

Robert Grossmann n'è nagin nunenconuschent en la cultura rumantscha. Cun diversas cumposiziuns – sco per exempel l'opera Zauberberg il 2002 – sco era cun auters projects ha el adina puspè dà impuls musicals en il Grischun. Igl è il lieu, ch'el numna ozendi patria. Creschì si è l'um da 65 onns dentant a San Diego en la California. Mo per cas è el vegnì ils onns 80 en Engiadina – ed è s'inamurà: en la cuntrada, la cultura e la lingua.

Uschia è el restà en il Grischun. Ils onns 80 en l'Engiadina – ed ussa abita el en il chastè Schauenstein a Farschno, sco vischin dal star-cuschinier Andreas Caminada. Tuttina è el anc adina activ en l'Engiadina – quai sco manader da la Chesa Planta a Samedan e da la Chasa Jaura a Valchava. El fa quai cun grond plaschair, vul dentant plaunsieu dar giu ses mandats e giudair sia pensiun cun far musica.

RTR Telesguard 17:40