Ina dunna giuvna è morta en in ospital a Bellinzona. Ella aveva visità la dumengia ina festa al mir da fermada Roggiasca sur Roveredo. Quai scriva la Polizia chantunala. Persunas enconuschentas a la polizia han transportà ella la dumengia suentermezdi en l'ospital pervi da problems da sanadad. Suenter in tractament intensiv han ins constatà la mort da la giuvna da 19 onns.
Uss tschertga la polizia perditgas – cunzunt da persunas ch'èn stadas a la party al mir da fermada Roggiasca, u ch'han dà infurmaziuns a las medias.