Grischun - RS Cuira: radund 500 persunas al di da parentella

1 / 4

Legenda: Recr. Andri Calörtscher da Breil, Sgt. David Müller da Susch e recr. Nando Feuerstein da Chapella (da sanester a dretg) èn trais infantarists ord la Rumantschia a Cuira. RTR, Pietro Jacomet

2 / 4

Legenda: Circa 50 recruts han savì sa preschentar tar quai exercizi en mandura da cumbat. RTR, Pietro Jacomet

3 / 4

Legenda: Ins pudess pensar ch'i brischa – las granats che tschorventan fan ina fimera. RTR, Pietro Jacomet

4 / 4

Legenda: Ils recruts attatgan en ina scena giugada ils rebels ed emprovan da liberar ils ostagis. RTR, Pietro Jacomet

Ils recruts han cumenzà l'entschatta dal 2019 cun lur scola da recruts a Cuira. Radund 900 infanterists che avevan alura cumenzà la scolaziun èn uss en la 11avla emna. Els èn sa preschentads ad enconuschents e parents tar in «di da las portas avertas»

Shows da helicopters u cumbats cun differentas armas: tar las preschentaziuns spargna l’armada cun nagut. Ils recruts e lur superiurs duajan mussar tge ch’els han emprendì fin uss.

audio

Bunura: Scola da recrut a Cuira – Di da parentella

03:13 min, ord Actualitad dals 30.03.2019.

laschar ir. Durada: 3 minutas 13 Secundas.

Infanterists rumantschs a Cuira

Tranter ils recruts sa chattan er Andri Calörtscher da Breil e Nando Feuerstein da Chapella. Cunzunt las emprimas emnas da la recruta sajan stadas diras. Suenter intginas emnas saja quai dentant vegnì adina meglier, cunzunt cunquai ch'ils exercizis sajan er pli cumplex ed interessants.

Gia pli lunsch è David Müller da Susch. El è sergent ed uschia il superiur dals recruts. Ad el plascha cunzunt la sortida ed il star da cuminanza cun collegas vi dal temp en il militar. Plinavant sajan ins er adina en moviment, vi da far sport; quai che fetschia segir er betg donn.

RR actualitad 08:00