Ils giuvens fugian ord las valladas perifericas. Las pussaivladads da studegiar e far emprendissadis èn limitadas. Avant radund 50 onns n'è quai betg stà auter. Insatgi che vuleva per exempel daventar stampader u ir suenter ad ina lavur academica stueva bandunar l'atgna vallada.
Il chantun fa speranza
Leon Schlumpf, l'anteriur cusseglier federal ch'era anc da lezzas uras cusseglier guvernativ dal departament d'economia dal Grischun ha dà speranza a las valladas. Promover las valladas perifericas saja stà sin la glista da svilup. Ins vuleva sviluppar las differentas branschas en il Grischun per porscher dapli plazzas per ils giuvenils.
Ils students ston star en la bassa
Chasper Pult, ch'era alura president da l'uniun dals students ladins a l'universitad Turitg, aveva declerà ch'i saja grev da turnar. I dettia memia paucas plazzas per professiuns academicas, uschia eran ils students sfurzads da restar en la bassa per lavurar, schegea ch'els fissan bugen turnads.
RR actualitad 11:00