Siglir tar il cuntegn

Header

Navigaziun

Sergio Guetg davant biscuits da Nadal.
Legenda: Tramettai Vossas fotografias e Voss recepts. RTR
cuntegn

Grischun RTR tschertga Voss biscuits da Nadal

Tge fissan ils dis fraids senza far milanais, stailas da chanella, brunslis e grassins cun confitura? Tramettai a nus Voss agens, megliers recepts e Vossas fotografias dals biscuits.

Be anc paucs dis e lura èsi Nadal. Tar blers da Vus èn las truclas da biscuits segiramain gia emplenidas cun da tuttas sort grassins, mams, creflis, biscuits. En la canorta da gievgia avantmezdi tranter las 10:00 e las 11:00 ha Sergio Guetg tschertgà Voss megliers recepts da biscuits e Vossas istorgias, tradiziuns e Voss tips e trics da far buns e bels grassins da Nadal. Da la partida en l'emissiun era er dunna Patricia Cadruvi, scolasta da cuschinar.

Tramettai Vossas fotografias e Voss recepts

Per nossa pagina dad internet pudais Vus dentant anc adina trametter a nus las fotografias da Voss biscuits u/e Voss megliers agens recepts – recepts forsa schizunt tradids da Vossa mamma, nona u tatta?

L'adressa per trametter fotos e recepts: multimedia@rtr.ch