La Confederaziun sustegna quest onn sis projects per Rumantschas e Rumantschs ch'abitan ordaifer il territori rumantsch.
«Rumantsch a distanza»
Tranter auter ha l'Uffizi federal da cultura dà passa 60'000 francs per il project «Rumantsch a distanza» da la Lia Rumantscha. Stgalims superiurs da scolas en la Bassa duain uschia avair a disposiziun ina purschida da rumantsch.
Pro Svizra Rumantscha
L'Uffizi federal da cultura ha era sustegnì in project da la Pro Svizra Rumantscha. Quai cun var 150'000 francs. Là vai per sviluppar programs da correctura ortografica rumantscha.