Siglir tar il cuntegn

Header

cuntegn

Runda da discussiun Mancanza da persunal – co far frunt?

Gia oz mancan mastergnantas e mastergnants dapertut. Quai è in fatg che fitg bleras interpresas percorschan fermamain. RTR ha fatg ina runda da discussiun che tracta la problematica e co far frunt a quella.

Numerusas branschas tschertgan urgentamain persunal, saja quai la tgira, la gastronomia, dentant era ils mastergnants mancan. Il Forum d’economia dal Grischun ha preschentà l'october in rapport che fa prognosas stgiras quai che pertutga il persunal dal fatg – en 20 onns manchian var 24'000 persuna sin la fiera da lavur grischuna. Ina da las raschuns principalas è la structura demografica – ils proxims dus decennis van 59'000 persunas en pensiun, be 35'000 persunas entran però en la fiera da lavur grischuna, uschia calculescha il forum.

video
Mancanza da persunal - runda da discussiun
Or da RTR Social dals 09.12.2022.
laschar ir. Durada: 52 minutas 42 Secundas.

Questa problematica è punct da partenza per la runda da discussiun cun il minister d'economia dal Grischun Marcus Caduff, il directur da l'Uniun grischuna d'artisanadi e mastergn Maurus Blumenthal e l'interprendidra Tania Simeon-Caduff che maina cun ses frar ina pitschna interpresa a Glion. Era en lur fatschenta hajan els da sbatter cun questa problematica cunquei che plirs collavuraturs giajan ils proxims onns en pensiun.

Occupar plazzas – ina gronda sfida

Il cumbat per persunal saja gia uss lantschà, scriva il Forum d'economia dal Grischun en ses rapport. Quai che laschia crescher las pajas – dentant er ils custs per recrutar persunal. Il Grischun na saja betg gist en la pole position per quest cumbat cun sias regiuns periferas e stoppia perquai tant pli vegnir activ.

RTR actualitad 11:00

Artitgels legids il pli savens

Scrollar a sanestra Scrollar a dretga