Dumengia saira ha il tren tschiffà e stratg cun in um tschintg meters a la staziun da Saas en il Partenz. El saja vegnì transportà en l'ospital a Schiers, communitgescha la polizia chantunala.
L'um ha bandunà il restaurant da la staziun a las 17:30 ed è ì sin il perrun, nua ch'il tren da Küblis è arrivà. Damai che l'um da 60 onns era memia datiers dals binaris è el vegnì tschiffà dal tren. Suenter ch'el era vegnì stratg cun tschintg meters è il tren sa fermà. Persunas al lieu han tgirà il blessà enfin che l'ambulanza è arrivada.
La polizia intercurescha sco che l'accident è capità. Tenor perditgas sin il perrun era l'um alcoholisà, la polizia ha ordinà ina prova da sang e d'urin.
audio
Per tedlar: las novitads da las 15:00
ord RTR Audio dals 31.10.2022.
laschar ir. Durada: 3 minutas 1 Secunda.