Siglir tar il cuntegn

Header

video
Suenter 28 onns: Julius Maissen metta giu chapè e mantè
Or da Telesguard dals 06.12.2023.
laschar ir. Durada: 4 minutas 5 Secundas.
cuntegn

Salter chantunal Suenter 28 onns: Julius Maissen metta giu chapè e mantè

Dapi 1994 ha Julius Maissen, oriund da Mustér, fatg l'uffizi dal salter chantunal. Montà chapè e mantè sch'i deva acts uffizials cun la regenza. En la sessiun da december è vegnì prendì cumià dad el.

Per l'ultima giada ha Julius Maissen tratg en il mantè en las colurs da la vopna grischuna e la chapella dal salter chantunal. Quai suenter ch'el ha fatg servetschs da salter durant 28 onns, 14 da quels sco um pensiunà.

audio
Salter Grischun va en pensiun
ord Actualitad dals 07.12.2023. Maletg: RTR
laschar ir. Durada: 3 minutas 26 Secundas.

In salter serva a la regenza ed accumpogna lezza ad acts uffizials. El haja adina fatg gugent questa lavur, di il Sursilvan ch'ha vivì ditg a Cuira ed uss puspè a Mustér, nua ch'el è creschì si.

Quai è in'onur, la finala sun jau il sulet salter en il chantun Grischun. Sch'i era pia occasiuns spezialas era cler che jau dastgel far quai.
Autur: Julius Maissen Salter chantunal

Durant ses temp haja el udì e vesì bler en la politica. Scurlà mauns ed emprendì d'enconuscher politicras e politichers ed accumpagnà quels a viadis enturn Cuira ni er Berna. In punct culminant per Julius Maissen è la festa per il pli aut Svizzer Martin Candinas stada l'onn passà. I saja stà bellezza ma er stregn. Perquai ch'ils viadis fan adina pli gronds fastidis al Sursilvan dat el uss giu ses pensum. Quai cun in egl cridant ed in che rient.

Successura da Julius Maissen sco salter daventa Heidi Nold che lavura tar la Chanzlia chantunala. Quai è l'emprima giada ch'ina dunna fa quest uffizi.

Julius Maissen, kantonaler Weibel Graubünden
Legenda: Julius Maissen cun chapè e mantè da salter. RTR

Telesguard 17:40

Artitgels legids il pli savens