Al Piz di Ross sur San Bernardino hai dà gievgia suentermezdi in grev accident. Sco quai che la Polizia chantunala communitgescha, è in um da 56 onns crudà radund 40 meters en la profunditad. El saja sa blessà grevamain. Suenter che l'accumpagnadra haja alarmà la Rega, haja lezza salvà l'alpinist ed al transportà en l'ospital a Turitg.
L'um da 56 onns e la dunna da 61 onns sajan stads sin viadi da Montespluga en l'Italia sur il Piz fin a San Bernardino. Tar la descensiun dal Piz di Ross, sin radund 3'000 meters sur mar, saja l'um crudà en la profunditad sin il Chiacciaio de la Curciusa.