Siglir tar il cuntegn

Header

video
Local da consum a Cuira
Or da Telesguard dals 02.02.2024.
laschar ir. Durada: 4 minutas 40 Secundas.
cuntegn

Scena da drogas Credit da 3,9 milliuns francs vegn davant il suveran

Il parlament da Cuira ha approvà il credit per il local da consum a la Sägenstrasse ch'ha procurà per grondas discussiuns. Oriundamain aveva la citad numnadamain discurrì da custs dad 1,1 milliuns francs. L'ultim pled en chaussa ha la populaziun tar ina votaziun il zercladur.

L'Allianza dal center e la Partida liberaldemocratica vulevan refusar il messadi enavos a la suprastanza per surlavurar. Quai tranter auter cunquai ch'ils custs sajan uss bunamain quatter giadas pli auts che oriundamain. E plinavant dettia er anc bleras dumondas avertas, spezialmain quai che pertutga la collavuraziun cun il Chantun e pertutgant la segirezza. Questa proposta è però vegnida refusada dal parlament cun 13 vuschs Na cunter 7 vuschs Gea.

audio
Cuira: Stanza da consum dat da discutar
ord Actualitad dals 01.02.2024. Maletg: RTR
laschar ir. Durada: 4 minutas 38 Secundas.

La regenza da Cuira aveva argumentà ils custs pli auts tranter auter cun il fatg ch'il local stoppia esser avert pli ditg e ch'i dorvia uschia dapli persunal e mesiras da segirezza. Motiv saja ch'i na vegnia betg pli consumà heroin, mabain substanzas sin basa da cocain. Quellas na quieteschan betg, fan dentant pli agressiv. L'ultim pled en chaussa ha ussa però il pievel e quai il zercladur.

audio
Cuira: Parlament di gea a credit per stanza da consum
ord Actualitad dals 02.02.2024. Maletg: RTR
laschar ir. Durada: 3 minutas 29 Secundas.

Project da pilot

Il local da consum surveglià è in project da pilot per trais onns che la citad da Cuira fa e finanziescha. Vitiers datti in post da cussegliaziun che stat sut il Chantun. Suenter la fasa da pilot duai il chantun decider da surpigliar l’entir local. Quai dependia dentant dals resultats.

RTR actualitad 12:00

Artitgels legids il pli savens