Siglir tar il cuntegn

Header

cuntegn

Grischun Scenaris dal futur gidan da sa preparar sin catastrofas

En il Grischun sto mintga vischnanca far in'analisa da la ristga. Tge privels smanatschan, co èsi da reagir. L'associaziun grischuna per il svilup dal territori ha festivà lur giubileum da 50 onns cun referats davart la dumonda, co dumagnar ils ristgs che sa preschentan a las vischnancas.

En il Grischun smanatschan surtut pandemias, malauras e terratrembels. Mintga vischnanca grischuna sto far enfin l'onn 2021 in'analisa da las ristgas, quai pretenda la lescha davart la protecziun da la populaziun.

audio
Scenaris per reagir sin privels
ord Actualitad dals 16.03.2018.
laschar ir. Durada: 3 minutas 28 Secundas.

Favugn vischnanca da pionier

A Favugn enconusch'ins ussa tut ils privels pussaivels, di la presidenta Lucrezia Furrer. Evitar ils privels sco crudada da crappa, incendis u attentats en la scola na saja betg pussaivel, els sajan dentant preparà sin ils divers scenaris.

Pli capabel d'agir

Ils Svizzers sajan resistents, quai che pertutgia privels, di Dörte Aller, responsabla per privels da la natira tar la societad svizra dals inschigners ed architects SIA. Ussa stuess ins daventar pli capabels da reagir sin la catastrofa. E malgrà che las vischnancas stoppian evaluar nua ch'ils privels èn, stoppia mintgin e mintgina era surprender sez ina part da la responsabladad. Tge che schabegia exact en il futur na pon ins betg dir, ins po dentant esser preparà.

RR actualitad 08:00

Artitgels legids il pli savens