La regenza grischuna conceda bun 630'000 francs la sanaziun da las fermadas da bus a la staziun da Schiers tenor ils basegns da las persunas cun impediments e per la nova concepziun da la plazza da la staziun. Ils custs totals muntan a 1,9 milliuns francs. La sanaziun vegn sustegnida sco mesira subvenziunabla per promover il traffic public.
La regenza garantescha a la vischnanca da Schiers las suandantas contribuziuns chantunalas:
- maximalmain 347'009 francs per la renovaziun da las fermadas da bus a la staziun da Schiers
- maximalmain 134'087 francs per la sanaziun da la Bahnhofstrasse
- maximalmain 148'949 francs per la sanaziun da la Bündtistrasse
audio
Per tadlar: las novitads da las 10:00
ord RTR Audio dals 15.04.2024.
laschar ir. Durada: 1 minuta 58 Secundas.