La Polizia chantunala ha infurmà davart in accident grev sin la via naziunala tranter Grüsch e Schiers. In um ed ina dunna èn morts suenter ch'ellas èn colliadas frontalmain cun in camiun.
Il manischunz dad 84 onns e sia dunna dad 80 onns èn morts anc al lieu. L'auto è para vegnì sin il vial oppost ed uschia collidà cun il camiun che vegniva encunter. Entras questa collisiun èn il manischunz e la cunpassagiera vegnids serrads en l'auto.
L'accident è schabegià gievgia las 15:45. La via è stada serrada per tschintg uras ed il traffic è vegnì svià sin autras rutas. Ensemen cun la procura publica examinescha la Polizia chantunala quest cas.