A Surrein en Surselva spetgassan ins en la destillaria Candinas gugent grondas furniziuns da maila per brischar vinars e far most. Ma quest onn quinta Anna-Maria Candinas ch'els na survegnan bunamain nagins mails ni fitg paucs. I saja gia il terz onn cun ina schletta racolta da maila. Quai fetschia schon ponderar.
Deplorablamein vein nus cheu ella regiun fetg fetg pauca meila.
Era a Sagogn na saja la situaziun betg meglra. Tenor l'ortulan Gion Rudolf Caduff portan sulet singuls mailers fritga. Sumegliant vesi ora en Tumleastga ed en la regiun Tschintg vitgs.
Sch'ins guarda sin l'entira Svizra è la situaziun in pau meglra. Tar la maila da maisa quintan ins cun bun 50% da la racolta media. Sulet 20% vegni a dar da la maila per far most. Tuttina quintan ins da pudair cuvrir la dumonda svizra.
RR actualitad 17:00